კრეაწივი :)

Envy The quietest vacuum cleaner in it's class

Strong but sensitive

მარაზმები

ცხოველთა სამყარო :)

მინდა ასეთი ცხენი :)

თოვლის ფანტელი

იცოდით რომ თითოეული თოვლის ფანტელი უნიკალური ფორმისაა? არ ვიცი, არ მკითხოთ, მე არ დავკვირვებივარ :) მიკროსკოპის ქვეშაც ასე საყვარლად გამოიყურებიან...

დირექტორების კონკურსის გამოცდის შედევრები №2

• თქვენს მიერ გამოთქმული უკმაყოფილება ჩემს მიმართ, რამაც მაიძულა ამ ანგარიშის დაწერა თქვენს მიმართ, უსაფუძვლოა.
• მოცურავე წიგნები შველას ითხოვენ (დავალებაში იყო, რომ წყალდიდობამ დააზიანა ბიბლიოთეკა)
• ისტორიის მასწავლებელი არის ახალბედა, სულ ორი წლის
• დღეისათვის ხელოვანმა, გამოცდილმა პედაგოგებმა ძლიერი ზარი უნდა შემოვკრათ საუკუნეების მიღმა უღრანებში დავანებულ კაცობრიობის ცოდნისა და განათლებას და გადავცეთ ის ახალბედა პედაგოგებს
• უკეთესი ხარისხის ამაღლების მიზნით, ჩვენ ვეძებთ გზებს და ....
• ფიზიკა, ქიმია და ბილოგია პრიორიტეტულია მხოლოდ დაწყებით კლასებში
• ჩვენ სასწრაფოდ გვჭირდება საფუძვლიანი შეკეთება, თორემ მალე რემონტს აღარ დავექვემდებარებით
• სკოლას კაპიტალური რემონტი არ ჩატარებია, მხოლოდ კოსმეტიკა წავუსვით
• სკოლას წყალდიდობის შედეგად აღარ აქვს იატაკი ჭერი, კედლები, სახურავი, საძირკველი და კოჭებიც კი. მე რა ვქნა?
• მოგმართავთ სრულიად საქართველოს პედაგოგი
• ჩემს სკოლაში პედაგოგებს არ მოჰკლებიათ ცარცი
• სკოლა საჭიროებს შებათქაშებას და შეგაჯვას
• თვითმართველობის ორგანომ უარი მითხრა დაფინანსებაზე. აბა ის ორგანო რა ორგანოა, უარს რომ გეტყვის საჭიროების შემთხვევაში
• ჩვენი ვალია აღვზარდოთ მოსწავლეები, რომელნიც ამავე დროს იქნებიან მოზარდები
• მოვაწყვეთ ”ვალენტინობა - სიყვარულის დღე”, რომელზეც მოვიწვიეთ სკოლის ვეტერანი მასწავლებლები
• ჩვენი მოსწავლეები მაღალი ხარისხით გამოირჩევიან
• წყალმა არ იკმარა ბიბლიოთეკის სარდაფში დგომა და გადავიდა საძირკველში და დაიწყო დაჭაობება.
• გასულ სასწავლო წელს ავად ვიყავი. ახლა იმედია ჯანმრთელ სხეულში ჯანმრთელი სულიც მექნება და ყველაფერს განვახორციელებ.
• ისტორიის მასწავლებელი სულ ახლახანს დაბერდა
• ჩვენი სკოლა მართალია ნახმარია, მაგრამ კარგად შენახული
• ჩვენი სკოლა ემსახურება მხოლოდ 4 კმ რადიუსის მქონე ბავშვებს
• მყავს უცხო ენის პედაგოგი, რომელიც გასულია პენსიაში, მაგრამ არ უნდა ბოლომდე გასვლა
• ბავშვებს გადაეცა ტკბილეული. მართალია მეორეადი, მაგრამ შესაძლებლობის ფარგლებში
• სკოლის რემონტი მოვახერხეთ მოსწავლეთა მამების ძალადობით
• ქარმა მთლიანად მოგლიჯა პერიპეტიები
• ქვემოთ მიღებული გადაწყვეტილება უფრო ეფექტურია ვიდრე ზემოთ (უკაცრავად)
• მე ვთვლი, რომ ჩვენს სკოლას კოსმეტიკური კი არა ქირურგიული ჩარევა ესაჭიროება
• თვალსაჩინო ადგილას გამოვფინეთ სახელმძღვანელოთა ავტორები
• ბავშვებში ჩადებული კაპიტალი ბუმერანგივით დაუბრუნდება სამშობლოს
• ჩვენი სკოლის ისტორიის მასწავლებელი 64 წლისაა. მიუხედავად ამისა, რურს ყველა მოთხოვნა დააკმაყოფილოს. ამიტომაც გთხოვთ გადაგვიმზადოთ
• სკოლაში მიგრაციამ თითქმის მოსახლეობის მაქსიმუმს გადააჭარბა
• სკოლაში აღმოიფხვრა კორუფცია და დიპლომატია
• ისტორიის მასწავლებელმა გააჩინა ტყუპი ვაჟები და სულ დაავიწყდა პროგრამა

და ისევ მე და ზღვა

არა და არასდროს არ მიყვარდა "ზაგარი"...:) მახსოვს ყოველთვის ვერიდებოდი მზეს და სულ ვფიქრობდი რა ნახა ამ ხალხმა, რატომ უჩნდებათ სურვილი, რომ მთელი დღეები ასეთ უხერხულ პოზებში იხრუკონ თავი მეთქი... შერატონმა მაინც თავის კვალი დატოვა ჩემზე, თუ გავიზარდე არ ვიცი, მაგრამ აშკარად ძალიან შევიცვალე, ვფიქრობ უკეთესობისკენ (ნუ აბა სხვანაირად როგორ შეიძლებოდა:) ) , მოკლედ მე და კატიამ გადავწყვიტეთ ისევ და ისევ ძალების აღდგენისთვის მოგვეხმარებინა მთელი დრო და როგორც მარი იტყოდა პენსიონერულად დაგვესვენა :) მისი დიდი პროტესტის მიუხედავად ჩემი და კატიას დღის განრიგი ასეთი იყო: 7:00- გარბენი სანაპიროზე, 7:30-შხაპი, 12-მდე "რუჯი", ლანჩი, შუადღის ძილი, 5ზე ისევ "რუჯი", საღამოს "კულტპახოდი" და 12ზე ძილი, რომ მეორე დღეს არ დაგვგვიანებოდა 8 საათიან ტალღაზე..:) ყოველ ღამე სცენები: მარი- ხალხო ძლივს გამოვაღწიე მშობლებს და ერთხელ მაინც წავიდეთ რა დისკოთეკაზე, სიმბოლურად მაინც, ზღვაზე ვართ ბოლოს და ბოლოს! მე და კატია- აუ კარგი რა მარი, რა დროს დისკოთეკაა, დავიღალეთ, გვეძინება და თან ხვალ 8 საათიან ტალღას უნდა მივუსწროთ:)) შედეგად- 2იოდ ჩახრჩობის მცდელობა, 1-2 ე.წ. პაემანი, 1-2 ღამე რომელიღაც ბუნგალოში (არ მახსოვს, მეძინა რომელიღაც ბოძს აყუდებულს) , 1-2 ლიტრა ლუდი დღეში, უპატრონოდ გარუჯვა და მარის ნევროზი...:) საერთო ჯამში კარგად დავისვენე, სიამოვნებით გავიმეორებდი:)

და მე და ზღვა

როგორც იქნა დავამთხვიეთ 2 დასვენების დღე ყველამ ერთად და იქიდან გამომდინარე რომ ასეთი რამ 2 წლის მანძილზე პირველად მოხდა გადავწყვიტეთ ზღვაზე წავსულიყავით, მერე რა რომ მხოლოდ 2 დღე გვქონდა და ჯერ არც სეზონი იყო დაწყებული და არც ბუნგალოები იყო გახსნილი (და საერთოდ აშენებულიც კი) და მერე რა რომ როგორც შემდეგ გაირკვა არც სხვა დამსვენებელი ჭაჭანებდა მთელს ქობულეთში.. ჩვენ ხომ ზუსტად ასეთი დასვენება გვინდოდა, არავითარი ზედმეტი ხალხი, მხოლოდ ჩვენ, ზღვა, და ცოტა რბილი ქვები დასაძინებლად....:)

სამსახურიდან ადრე გამოვიპარე და მთელი 1 დღის დასაზოგად ღამის მატარებლით წავედით. ჩავედით თუ არა გაწვიმდა, მაგრამ დასვენებას მონატრებულები მაინც ეგრევე ზღვაზე გავედით, კატია საცურაოდ, მე არ ვიცი რისთვის, როგორც ჩანს დასაძინებლად:) პირველად ვნახე ასეთი პლაჟი ქობულეთში, არავითარი სიმინდის და მზესუმზირის ნარჩენები და საოცრად ძილის მომგვრელი ქვები:) მთელი დღე ბომჟივით მეძინა პლაჟზე, მოგვიანებით კატიაც შემომიერთდა... და ასე დავისვენეთ 2 დღე :) როგორც სურათიდან ჩანს მეორე დღეს მზე გამოსულა და საშინლად დავიწვით ტანსაცმლის ფორმაზე.... :)