Just...

ძალიან მხიარული პოსტი

დღეს საშინელ ხასიათზე ვიყავი, ისევ გამაღვიძეს დილას, ისევ 7ზე დაწოლილი და ისევ უაზრო კითხვებით/თხოვნებით, სახლში რომ დავბრუნდი ფანჯარა ისევ ღია დამხვდა.. ღრრ:)
საღამოს ყოფილმა თანამშრომლებმა დამირეკეს, "კალაში" ვართ და ჩამოდი თუ გცალიაო, მომეჩვენა რომ მომენატრნენ და ჩავედი, მაგრამ მალევე აღმოვაჩინე, რომ შევცდი და გადავწყვიტე ლუდი დამელია და ასე მაინც მეიძულებინა თავი რომ ცოტაოდენი სითბო გამომეხატა:D როგორც ჩანს ზედმეტი მომივიდა.. ბოლოს იმით დამთავრდა რომ ვუჭედავდი- ამოდით ჩემთან, რამდენი ხანია არ მინახიხართ მეთქი:))
ჩემს "ძვირფას მეგობარზე", სკარბრა-ჯონზე, ახალი დეტალები შევიტყვე ანუშკასგან.. კიდევ ერთხელ დამწყდა გული:( (ისე ამ ბოლო დროს ცოლ-შვილის "დამალვის" სერიოზულ ტენდენციებს ვამჩნევ ჩემს სანაცნობოში:)) არა და არ შემიძლია რომ არ ვენდო ყველას, გამოუსწორებელი ოპტიმისტი ვარ, არა, ოპტიმისტი კი არა მგონი სრული იდიოტი ქვია ამას უფრო ზუსტად:D
მოკლედ, ამ ყველაფერთან რა შუაშია არ ვიცი, მაგრამ გადავწყვიტე ცხოვრების რიტმი შევცვალო, პრინციპში ცხოვრების კი არა და ძილის, მინდოდა მეთქვა:) დილას უნდა ვირბინო ხოლმე (ვიცი რომ ბევრჯერ მაქვს ნათქვამი უკვე:)) ჩემ ბიძაშვილთან ერთად ვცადე ერთხელ და ისეთი მარბენინა, რომ ვეღარ ამოვდიოდი სანაპიროდან (სირბილზე აღარ იყო ლაპარაკი), ასე რომ ვეძებ ახალ პარტნიორს, ან სულაც ადამიანს, რომელიც ახალ Ipod nano-ს მაჩუქებს, ოღონდ იმას, ძალიან მაგარი წითელი და special edition რომაა:))

p.s. კიდევ ერთხელ გახსენებთ, რომ მალე ჩემი დაბ დღე მოდის:D

ვერ ვიტან...

ამ ბოლო დროს ვაფიქსირებ, რომ ბევრი რამ მიშლის ნერვებს, თან მგონი არც თუ ისე საფუძვლიანად:D გადავწყვიტე შემედგინა იმ ყველაფრის სია, რაც მაღიზიანებს.. თუ არ მიშველის იქნებ სხვებმა მაინც გაითვალისწინონ:D მაშ ასე
ვერ ვიტან:
როდესაც უტაქტო შენიშვნებს მაძლევენ
როცა ცუდად ვარ და არ "მიყვავებენ" :D
სიტყვას- თავხედი, მიმართვას- ძვირფასო
როცა დილის 7 საათზე დაწოლილს, იმავე დილას, მაღვიძებენ სრულიად უაზრო კითხვებით
უსამართლო კრიტიკას
"თვალის პაჭუნს" (ჩათში განსაკუთრებით)
უტვინო, გაუნათლებელ, შეუგნებელ, უზრდელ, უტაქტო და საშინლად ჯიუტ ხალხს
უსამართლობას
უყურადღებობას
სერიოზულ ტყუილს
ჩემი ქულერის ხმას:D
სასვენ ნიშნებს რომ არ ხმარობენ საერთოდ და 2 საათი რომ ცდილობ გარკვევას რა იგულისხმა
როცა ადამიანს მხოლოდ მაშინ ვახსენდები, როცა რამე ჭირდება ჩემგან
როცა ჩემს ოთახში შემოდის ვინმე, მე არ ვარ და მერე გადაადგილებული მხვდება რამე (განსაკუთრებით ფანჯარას თუ მიღებენ)
როცა სველ კოვზს შაქარში, ან ყავაში ყოფენ:D
საკუთარ თავში უაღრესად დარწმუნებულ ქალებს (კაცები, რამდენად უცნაურიც არ უნდა იყოს მომწონს მგონი:D) რაგაცას რომ შეუსწორებ და მაინც თავისას რომ "აწვებიან" და რაც ყველაზე მეტად მაღიზიანებს, მართლა რომ ჯერათ ამის:D
ხალხს, რომელსაც იუმორის გრძნობა არ აქვს
როცა რაღაცის ატანა მიწევს:D
ხალხს, რომელმაც ყველაფერი ზუსტად იცის ამ ცხოვრებაში
როცა ჩათში მისვამენ მსგავს ბანალურ კითხვებს- რას საქმანობ? რას შვრები? სხვა?
სახლში- ვინ იყო/რა უნდოდა? (ტელ-ის აღების, ან კარის გაღების შემდეგ), სად მიდიხარ/რომელზე მოხვალ? (გასვლისას)- კითხვებს, რომლებიც ძალიან მომაბეზრებელია ყოველდღიურ ცხოვრებაში და ჩემი დამოუკიდებლობისკენ უსაზღვრო სწრაფვას ერთგვარად შეურაცხოფას აყენებს და ეჭვქვეშ აგდებს:D (არ მკითხოთ რა მოვაბოდიალე:))
ზოგადად- ხომ არ გათხოვილხარ? არა? და არც აპირებ? რატომ?:D
და საერთოდ.. ზედმეტ კითხვებს
რომ ვერ ვწყვიტავ რას ვაპირებ, მივდივარ, თუ ვრჩები და თუ ვრჩები რას ვაპირებ:)
როცა რაღაცას მაძალებენ და მე ვირზე ვჯდები და მაინც აგრძელებენ ხვეწნას, არა და ზუსტად ვიცი, რომ არ შევიცვლი აზრს რაც არ უნდა იყოს (ამაზე ცალკე მეშლება ნერვები:))
და ბოლოს... ხალხს, რომელიც ყველაფერს აპრობლემებს და ყველაფერზე ნერვები ეშლება:D

p.s. ექვემდებარება update-ს..:D

p.p.s. შეგიძლიათ თქვენც შემატყობინოთ კომენტებში, რას ვერ იტანთ

Tired Cat 2

Tired cat